Отстранета дивограбата на познатиот скопски ресторан „Еквилибриум“ во Аеродром
Активностите за уредување и враќање на јавните површини во првобитна состојба повторно се тема на јавна расправа во Општина Аеродром, по објава на социјалните мрежи дека е отстранет објект што бил изграден без соодветна дозвола кај познат скопски ресторан.
Во Фејсбук групата „Општина Аеродром – Пријави проблем“, анонимен корисник сподели информација дека била отстранета дивоградба кај ресторанот „Еквилибриум“, при што, како што се наведува, бил ослободен узурпиран јавен простор. Во објавата се повикува надлежните да продолжат со постапување и кон други слични случаи на територијата на целата општина.
„Вака и неселективно, сега треба да постапите во цел Аеродром со сите вакви затворени тераси, платформи, надградби и узурпирано зеленило“, стои во реакцијата, во која се посочува дека дел од угостителските објекти користат јавен простор без соодветни одобренија.
Дел од граѓаните во коментарите ја поздравија акцијата, оценувајќи ја како чекор во вистинска насока, и побараа идентични постапки и против други угостителски објекти. Некои од нив повикаа и на поширока контрола во сите скопски општини.
Ресторанот „Еквилибриум“ важеше за еден од поелитните локали во Скопје, а во изминатиот период беше препознатлив и по организирање тематски настани. Локалот со години беше често посетуван и од познати личности, што дополнително ја зголемуваше неговата јавна видливост во овој дел од градот.
