Оставила писмо на гробот на родителите на Путин, и се заканува казна затвор!
Државното обвинителство во Санкт Петербург побарало тригодишна затворска казна за жената која оставила порака со „навредлива содржина“ на гробот на родителите на рускиот претседател Владимир Путин, соопшти организацијата за човекови права ОВД-Инфо.
Истрагата против Ирина Цибанева (60) беше покрената во октомври минатата година.
Рускиот портал Медиазона објави дека во пораката таткото и мајката на Путин се нарекуваат „родители на лудаци“ и наведува дека „целиот свет се моли за неговата смрт“.
Смрт за Путин, воскресна изрод и убиец“, стои во пораката оставена на гробот на родителите на Путин.
Надлежните ја обвинуваат Цибанева за кршење на законот за достоинство на починатите и гробишта и „на основа на непријателска политика“.
По апсењето на жената и е одреден привремен домашен притвор.
Окружниот суд Приморски, каде што се одржува судењето, не беше достапен за коментар, ниту пак одговори на прашањето кога се очекува пресудата, наведува Ројтерс.
Цибанева не негираше дека таа е автор на пораката. Таа рече дека пораката ја напишала откако ги гледала вестите и „сфатила дека се е многу страшно, се е тажно и има многу мртви“.
Здружението ОВД-Инфо објави дека 19.673 лица се приведени поради протестите против руската агресија врз Украина од нејзиното започнување на 24 февруари 2022 година, а против повеќе од 550 се води кривична постапка.
