Османи ветува: Бесплатна возачка дозвола за најуспешните млади од Чаир

Кандидатот за градоначалник на Општина Чаир од редовите на ДУИ, Бујар Османи, вети дека општината целосно ќе ги покрие трошоците за возачка дозвола на сите млади од општината кои ќе постигнат врвни резултати во образованието, науката и на натпревари.

Ова е клучното ветување од неговиот нов проект насловен „Ти зборуваш, Чаир се менува: Кутија на проблемите во Чаир“, преку кој, како што рече, сака институционално да ја канализира енергијата на младите, кои сочинуваат дури 47% од населението во општината.

Според предлогот на Османи, право на бесплатна возачка дозвола ќе имаат:

„Пораката е јасна: успехот се наградува, трудот се признава, а младите ја имаат поддршката од својата општина“, потенцираше Османи.

Како дел од пошироката платформа за млади, тој најави и отворање на Мултифункционален младински центар на плоштадот Скендербег, формирање на општински фонд за иновации и доделување стипендии за најталентираните студенти. Идејата е младите, преку физичка „кутија на проблемите“ и дигитална платформа, директно да предлагаат проекти кои општината потоа ќе ги реализира.

„Ова не е само изборен проект, ова е општо народно движење на надежта. Тука сме да го слушнеме гласот на младите, да ги направиме дел од промената и да го претвориме Чаир во модел на соживот и иновации“, заклучи Османи.