ОПОМЕНИ ДОБИЈА ИНТЕРНЕШЕНЕЛ ХОТЕЛС И ДС СМИТХ – еве зошто Берзата јавно ги прозва компаниите
Транспарентноста и навременото доставување на своите финансиски извештаи за компаниите се многу важни, па затоа Берзата ги опоменува компаниите кои навреме не ги доставуваат своите бројки до инвестирорската јавност.
Токму од тие причини се опоменати Интернешенел Хотелс, односно некогашниот Континентал, како и компанијата ДС Смитх од Скопје.
„Одборот на директори на Македонска берза АД Скопје донесе одлука за изрекување на мерката јавна опомена преку интернет страницата на Берзата на друштвата Интернешнел Хотелс АД Скопје и ДС Смитх АД Скопје, котирани на Официјалниот пазар на потсегментот Задолжителна котација на Македонска берза АД Скопје, поради необјавување на ревидирани финансиски извештаи за 2022 година (Извештај на независниот ревизор, Биланс на состојба, Биланс на успех, Извештај за паричните текови, Извештај за промените во капиталот и Белешки кон финансиските извештаи) заедно со годишниот извештај за работењето за 2022 година, усвоени од Собранието на акционери на друштвото во пропишаниот рок со Правилата за котација, со што не постапија согласно член 40, точка 1 од Правилата за котација“, се вели во известувањето од Македонската берза.
