Ѓоковиќ го прегази Нори и обезбеди полуфинале за Србија

Ѓоковиќ играше одлично во првиот сет и ја искористи втората брејк-шанса на противнички сервис за водство од 3-2. Србинот потоа изврши нов притисок врз Нори во седмиот гем, но Британецот успеа да се одбрани (3-4), по што најдобриот тенисер во светот продолжи со сигурниот сервис за да го освои сетот со 6-4.

Србинот го почна вториот сет со брејк уште во првиот гем (1-0), а потоа без проблеми сервираше и не му дозволи на Нори ниту да помисли на брејк-топка (6-4).

Првиот меч за Србија го доби Кецмановиќ, кој со 7-6 и 7-6 го надигра Дрејпер.

Србија за финале на Дејвис Купот ќе се бори против Италија, која претходно беше подобра од Холандија.