Официјално: УЕФА го „помилува“ Јувентус, па „старата дама“ се откажа од Суперлигата!
„Старата дама“ и официјално отстапува од проектот Суперлига, нешто повеќе од две години откако се појави проектот, во април 2021 година, но првиот обид пропадна за 48 часа откако девет од 12-те клуба се повлекоа, но торинскиот гигант остана со шпанските великани Реал и Барса да ја турка идејата.
И оваа одлука не е неочекувана, откако УЕФА го „помилува“ Јуве со прифаќањето на спогодбата, најтрофејниот калчолигаш да не игра во новата сезона во Конференциската лига, како едногодишна суспензија за аферата со трансфер малверзации и фиктивен буџет поради која во Италија беше казнет со десет бода во изминатата сезона.
Реал и Барса сега останаа сами во проектот кој сѐ уште го туркаат во исчекување и на конечната пресуда која треба да ја објави до крај на годинава Европскиот суд на правдата во Луксембург околу монополот во фудбалот што го има УЕФА:
Juventus are withdrawing from the European Super League.
It leaves Barcelona and Real Madrid as the project’s sole remaining members. https://t.co/zOOic9704J
— Football España (@footballespana_) July 13, 2023
