ОДАМ НА СОСТАНОЦИ ВО АМЕРИКА – градоначалникот на Тирана негира бегство, Бериша обвинува за „организирани дела“
Албанските медиуми на големо јавуваат дека градоначалникот на Тирана, Ерион Велиај е во бегство.
Главен наслов денеска во тамошните медиуми е „Градоначалникот на Тирана Ерион Велиај во бегство или?“. Притоа се нагласува дека утрово во 5 часот од аеродромот во Тирана отпатувал сам, со капа на главата и видно нерасположен, што не е својствено за неговиот карактер.
Тие констатираат дека Велиај, кој е под истрага за корупција, од страна на Специјалното обвинителство, најверојатно избегал, бидејќи патува без соработниците од општината.
Реагираше и лидерот на опозициската Демократска партија, Сали Бериша кој обвини дека заминал во непознат правец, дека има големи депозити во Дубаи и го повика да се врати во Тирана или премиерот Еди Рама веднаш да поднесе оставка.
Берши дополни дека ова е „едно од најсериозните дела во историјата на државата, организиран и оркестрирани директно од Еди Рама“, при тоа објавува фотографии од Велиај на аеродром и во авионот, добиени, како што вели од граѓани.
На обвинувањата на Бериша дека избегал од државата му одговори Велија, преку објава на социјалните мрежи.
– Одам во Америка, на состаноци кои долго ги одложував, бидејќи јас сум градоначалник на Тирана, а не сум нон грата, човек со злобно лице и срце. Не ја напуштам Албанија, бидејќи дојдов од Америка кога бев 20 години помлад, да подадам рака да ја извлечам мојата земја од калта во која ти и твоите пријатели ја потонавте – му одговори Велиај, додавајќи дека во Тирана се враќа за два дена.
