ОД ПРОЕКТИРАЊЕ И ГРАДЕЖНИШТВО ДОБРО СЕ ЖИВЕЕ ВО МАКЕДОНИЈА – како „Фабрика Карпош“ направи добивка од 650 илјади евра
Скопската
„Фабрика Карпош“ ги објави финансиските извештаи за минатата година, а Билансот
на успех говори дека оваа компанија остварила чиста добивка од близу 650 илјади
евра.
Во
однос на истиот период лани тоа е ппораст за цели 45 отсто, што е резултат за
почит за оваа скопска компанија.
Билансот
на успех говори дека „Фабрика Карпош“ лани целосно работела на домашниот пазар,
па сите нејзини прихподи кои тежат дури 15 милиони евра, се всушност приходи од
продажба на домашниот пазар, и кај нив е регистрирано зголемување од 22
проценти.
Додека,
пак, трошоците во компанијата се всушност трошоците на продадени производи и
услуги и тие во целата мината година тежеле 12,7 милиони евра, што е
зголемување за цели 50 проценти.
Финансиските
приходи бележат намалување во однос на отварувањето во претходната година, а финансиските расходи
бележат благ пораст во однос на претходната година.
Во
своето образложение на финансиските извештаи од компанијата нагласиле дека компанијата
продолжува интензивно да инвестира и во текот на 2023 година, како и дека вкупните
инвестиции лани изнесувале дури 980 илјади евра, а со нив главно се купиле машини
и транспортни средтва, но битно е дека било вложено и во нов производен погон.
Во
текот на 2023 година не била донесена одлука за исплата на дивиденди.
„Фабрика
Карпош“ има и нешто кредити, односно вкупните
обврски по краткорочни кредити на крајот на минатата година изнесувале 358
илјади евра, и тие пари биле наменети за набавка на основни средства. Кредитите
имаат незначително учество во вкупната пасива на друштвото, се вели во
образложението на финансискиот резултат.
За наредниот
период се најавува дека преку зголемување на конкурентноста и поефикано
работење се очекува да се оствари
зголемување на реализацијата, односно склучување на нови договори, со
цел да се одржи пазарната позиција на компанијата на високо и
квалитетно ниво.
Фабрика Карпош АД Скопје е друштво за
проектирање, производство и монтажа на бетонски полуфабрикати, станови,
индустриски објекти, мостови и далноводи.
Со близу 77 отсто доминантен и единствен најголем сопственик во „Фабрика Карпош“ е Градежен институт Македонија.
Н.Н.Ф.
