Обединетите Арапски Емирати ги укинуваат визите за Македонија
По последната посета на Обединетите Арапски Емирати, Македонија добива прв конкретен резултат – визите за патување кон оваа земја се укинуваат. Ова на Фејсбук го соопшти премиерот Христијан Мицкоски. Одлуката е донесена на барање на македонските власти, со цел да се олесни движењето на граѓаните и да се зајакне економската и политичката соработка меѓу двете земји.
Како што беше најавено, конкретната примена на безвизниот режим ќе влијае врз посилна економска поврзаност, олеснето патување и зајакнување на партнерството помеѓу Македонија и ОАЕ.
„Се бориме на секој можен начин да се помогне на нашите граѓани, и со секој ден да се носат промени за заедничката иднина“, велат од македонската влада, изразувајќи задоволство од постигнатата спогодба.
Одлуката стапува во сила наскоро, а македонските граѓани ќе можат да патуваат во ОАЕ без виза за краткорочни престои.
