НОВИ УШТЕ ПОСТРАШНИ СКАНДАЛИ ЈА ТРЕСАТ ВЈОСА ОСМАНИ: „Чичкото на нејзиниот сопруг бил убиен поради педофилија“

Според
информациите кои ги објави порталот Nacionale.com и Lajmi.net, мотивот за
убиството на Садрие Садриу (89), чичко на сопругот на претседателката на
Косово, Вјоса Османи бил наводно злоставување на двете сестри на осомничениот
Фестим Рамадани кога биле малолетни. Инцидентот се случил во селото Биба кај
Урошевац, каде полицаецот Фестим Рамадани го застрелал Садри во дворот на
свадбената сала.

Осомничениот
Фестим Рамадани, откако го извршил убиството, се предал во полиција. Тој
употребил службено оружје за да изврши кривично дело, но не бил на службена
должност во моментот на убиството и бил во цивилна облека. По инцидентот
Рамадани и се предал на полицијата и бил суспендиран од работа.

Според изворите
на порталот Национале, семејството Рамадани тврдело дека Садриу ги злоставувал
неговите две сестри кога биле малолетни, што било мотивот за убиството. Овој
случај привлече големо внимание поради поврзаноста со познати личности од
политиката, Садриу е чичко на Приндон Садриу, кој преку Фејсбук стапил во
комуникација со семејството Рамадани, како и со Вјоса Османи.

Порталите
јавуваат и дека членовите на семејството Рамадани биле револтирани поради тоа што
судските власти не постапиле по случајот порано, што, како што наведуваат,
најверојатно укажува на тоа дека тој можеби е поврзан со политичката моќ на
семејството Садриу. Во меѓувреме, од кабинетот на Вјосе Османи не одговорија на
барањата за коментар.

Според изјавата
на претставникот на Косовската полиција, убиството било извршено со службено
долго оружје, но не со калашников, а сето тоа било направено пред очите на
присутните во дворот на свадбената сала.

фото: EPA-EFE/URS FLUEELER