Нова сообраќајка во Германија: Се преврте автобус со ученици, повредени 21 лице

Најмалку 21 лице е повредено, од кои едно потешко, откако во четвртокот вечерта се преврте автобус во Германија.

Инцидентот се случил на А44 во близина на Верле во Германија, пренесува Билд.

Како што пренесуваат медиумите, автобусот со околу 60 патници излетал од патот, удрил во заштитна ограда и се превртел на страна во ендек.

Во автобусот имало ученици од стручно училиште во Марбург. Тие се враќаа од патување во Англија.

Инцидентот се случил нешто по 23 часот.

Според полицијата, на возачот на автобусот му се слошило кога се случила несреќата.

Да потсетиме, најмалку четири лица загинаа откако автобус излета од автопатот и се преврте во близина на Лајпциг, Германија во средата, на 27 март.