Невообичаено: Во исто време имаат и грип и корона, сите случаи регистрирани во оваа соседна земја
Досега во Србија се потврдени пет случаи на истовремена инфекција
со вирус на грип тип А (H1 P/2009) и инфекција со корона, а сите случаи се од
Белград, соопшти Институтот за јавно здравје на Србија „Д-р Милан Јовановиќ Батут“.
Според последното соопштение на оваа здравствена установа,
во Србија од 6 до 12 февруари се регистрирани вкупно 13.471 случаи на заболени
слични на грип, а најмногу случаи се регистрирани во возрасната група од 0 до 4
години, а потоа од 5 до 14 години.
– Врз основа на резултатите од лабораториските анализи на
Националната референтна лабораторија за грип и други респираторни вируси на
Институтот за вирусологија, вакцини и серуми „Торлак“, во Србија од почетокот на сезоната на надзор до сега
во сите области е потврден вирусот на грип – се наведува во соопштението.
Според нив, регистрирана е широка географска
распространетост и среден интензитет на активност на вирусот на грип.
Фото: unsplash
