НЕТО ДОБИВКА ОД БЕЗМАЛКУ ЕДЕН МИЛИОН ЕВРА ЗА ТРИ МЕСЕЦИ – како порасна профитот на „Реплек“ за 147 отсто

Добивка од речиси еден милиони евра или конкретно 0,93 милиони евра оствари фармацевтската компанија „Реплек“ во првите три месеци од годинава. 

Тоа е раст од дури 147 проценти во однос на истиот период од минатата година, соопштија од компанијата. 

„Приходите од продажба како дел од вкупните оперативни приходи изнесуваат 488
милиони денари (7,93 милиони евра) и бележат раст од 26 отсто во однос на истиот
период минатата година.
Стратешки фокус на Реплек АД е сегментот фармација. Консолидирани приходи од
продажба на сегмент фармација изнесуваат 480 милиони денари (7,8 милион евра) и
бележат раст за 26 отсто во однос на истиот период во 2024.
Во периодот од 1 јануари до 31 март 2025 година, Реплек АД оствари вкупни приходи
од продажба кои ја надминаа проектираната вредност во бизнис планот за овој
период.
Во првиот квартал од 2025 година, компанијата целосно го исполни објавениот бизнис
план, при што приходите од продажба во сегментот Фармација забележаа раст од
26 отсто во споредба со истиот период во 2024 година“, велат од компанијата во своето образложение на Билансот на успех. 

Н.Н.Ф.