„Некст е.ГО“ во првата половина од 2023 заработил само 300.000 евра

„Некст е.ГО“ во првата половина од 2023 остварила приходи од само 0,3 милиони евра, покажуваат последните финансиски извештаи за производителот на мали електрични возила.

Помина година и половина откако „Некст е.ГО“ најави производство на автомобили на електричен погон и да отвори 900 нови работни места во ТИРЗ Тетово.

Извештајот покажува дека по првите шест месеци од минатата година загубата била 32,7 милиони евра. Загуби имало и претходните две години, кога во 2022 приходите биле 5,7 милиони евра во 2022 и 3,5 милиони евра во 2021.

Последното производство на автомобили било во 2022 кога се произвеле 1.350 автомобили, а се продале 1.200. Плановите се дека во 2025 ќе започне производството во Макеоднија, а во втората половина од истата година тоа треба да се случи во Бугарија, грција или Србија.

„Компанијата има намален развој на производи, трошоци за продажба и маркетинг, речиси стабилни административни трошоци и повеќе од двојно зголемени финансиски трошоци“, се вели во коментарот кој ја споредува првата половина од 2023 со истиот период од 2022.

Во билансот до 30 јуни 2023 се вели дека компанијата има тековни средства од 56,9 милиони евра од вкупна актива од 277,7 милиони евра.