Некогашен волонтер од кампања на Џо Бајден стана наследник на Ципрас во СИРИЗА
Новоизбраниот претседател Стефанос Каселакис ги презеде должностите од досегашниот лидер на СИРИЗА – поранешниот премиер на Грција, Алексис Ципрас.
Каселакис, кој има свој бизнис во САД, беше пречекан во кабинетот на Ципрас, а дотаму дојде со метро.
„Алексис Ципрас е заеднички претставник на сите членови на СИРИЗА. Го почитувам и тука сум да го чувам неговото животно наследство и се надевам дека тоа ќе го оправдам“, рече новиот лидер на левичарската опозициска партија по средбата.
35-годишниот прогресивен кандидат за претседател на СИРИЗА добива огромна поддршка откако Алексис Ципрас објави дека нема да се кандидира. Роден во Маруси на 29. март 1988 година. Неговото семејство е по потекло од Ханија. На 14-годишна возраст го освоил сребрениот медал на математичкиот натпревар Архимед на Грчката математичка асоцијација. Дипломирал економија на Универзитетот во Пенсилванија. За време на студентските денови, тој волонтирал во кампањата за актуелниот американски претседател Џо Бајден за време на претседателските прелиминарни избори на Демократската партија во 2008 година. Во 2009 година е ангажиран и „одделот за управување со ризик“ на Голдман Сакс, а потоа работи во тинк-тенкот на Центарот за стратешки и меѓународни студии во Вашингтон. Подоцна ја основал бродската компанија Свифт Булк.
„Уживајте во овие денови без вина затоа што кој и да влезе во политика мора да знае дека радостите не се претерани. Уживајте во овие денови, а потоа посветете се на наследството што го преземате и на можностите што постојат.. Грчкото општество е во големи тешкотии“, се надоврза Ципрас.
