Недостиг на работна сила: Тренчевска оди во Будимпешта
Министерката за труд и социјална политика Јованка Тренчевска денеска е во Будимпешта, Унгарија, на конференција за недостаток на работна сила, а со себе води и делегација, во која има претставници од синдикатите и работодавачите.
Тренчевска ќе учествува на конференцијата „Управување со недостатокот на работна сила во Западен Балкан“ во организација на Меѓународната организација на трудот и ОБСЕ.
Како што соопшти МТСП, таа ќе ја отвори конференцијата и ќе учествува на работниот дел, а за време на нејзиниот престој во Будимпешта ќе се сретне и со регионалната директорка на МОТ, Клер Харасти.
Во делегацијата се и државниот секретар на МТСП Флакрон Беџети, шефицата на кабинет на МТСП Наташа Димеска, националниот координатор на МОТ во РСМ Емил Крстановски, претседателката на ОРМ Владанка Трајковска, претседателот на ССМ Слободан Трендафилов и други претставници.
