НЕ МОЖЕ ДА СТИГНЕ ДО МОСКВА: Две земји забранија прелет за авионот на Вучиќ
Авионот со српскиот претседател Александар Вучиќ не може да стигне до Москва.
По Литванија и Латвија му го забрани летот на српскиот претседател Александар Вучиќ на пат кон Москва во Русија. Авионот во кој ќе патува претседателот на Србија нема да може да помине низ Латвија поради „политичката чувствителност на целта на летот“.
Литванија му забрани на Вучиќ да лета „поради техничка и дипломатска чувствителност“. На премиерот на Словачка, Роберт Фицо, му е забрането да лета над Полска и Литванија на пат кон Русија, бидејќи во петок, 9 мај, се одбележува 80-годишнината од победата над фашизмот на Црвениот плоштад во Москва.
На воената парада на 9 мај во Москва по повод 80-годишнината од победата над нацистичка Германија се очекува да присуствуваат 29 странски лидери, воени претставници од Кина и претставници од уште 12 држави, изјави денеска советникот на рускиот претседател за надворешна политика, Јуриј Ушаков.
Тој додаде дека е предвидено рускиот претседател Владимир Путин да има и билатерални средби со кинескиот претседател Си Џинпинг и премиерот на Словачка, Роберт Фицо.
Украина предупреди дека не ја гарантира безбедноста во Русија тој ден. Украина вчера и денеска изврши напади на руско тло, а поради напади со дронови затворени беа повеќе руски аеродроми.
фото принтскрин
