„НЕ Е ПРАШАЊЕ ДАЛИ ВУЧИЌ ЌЕ ПАДНЕ, ТУКУ КОГА И НА КОЈ НАЧИН“: Ризикот од немири е голем, оценка на професор од Белград

Зоран Стојиљковиќ, професор на белградскиот Факултет за
политички науки (ФПН), за Н1 изјави дека ова е критичен момент.

„Немало поодржлив и помасовен протест од доаѓањето на Вучиќ
на власт. А она што загрижува е што протестот има национален карактер.
Нормално, прво протестираат граѓаните од поурбаните делови на земјата, но овој
пат се побунија сите слоеви на општеството, од цела Србија.

Стојиљковиќ е убеден дека прашање не е дали Вучиќ ќе падне,
туку кога тоа ќе се случи.

„Тој сега купува време со надеж дека со некаков маневар
повторно ќе успее да остане таму каде што е, но прашање е само кога ќе замине.
И на кој начин. Се надевам дека ќе го препознае моментот и ќе се повлече
достоинствено, без насилство, но сето она што го покажа речиси 13 години
навестува дека до последен момент ќе се бори за својата позиција“, смета тој.

Тој не исклучува можни немири за време на протестите во
Белград.

Ќе видиме дали властите ќе посегнат на провокација или ќе
дозволат собирот да се одржи нормално, а потоа ќе почне да го девалвира.
Ризикот од немири е голем, но можно е полицијата само да ги заштити клучните
институции, за демонстрантите да не ги „окупираат“. Очекувам и демонстрантите
да покажат решителност и сѐ да помине мирно.

фото: Х