Највисока излезност до 17 часот во Конче и Росоман, најниска во Сарај и Чаир

Според податоците на Државната изборна комисија, највисока излезност до 17:00 часот е забележана во Општина Конче, каде што гласале 64,4 проценти од запишаните избирачи. Веднаш зад неа е Општина Росоман со 63,58 проценти излезност.

Висока излезност е регистрирана и во Дојран (62,96%), Лозово (62,78%) и Демир Капија (62,71%).

Од друга страна, најниска излезност до 17:00 часот има во скопската Општина Сарај, каде што на гласање излегле 8,77 проценти од избирачите, а веднаш потоа следи Општина Чаир со 12,04 проценти.

Тоа се единствените две општини со излезност под 20 проценти до овој пресек. Во Скопје, Општините Бутел и Гази Баба бележат по 22,9 проценти излезност.