Најстудено денеска на Попова Шапка
Максималната температура денеска се движеше од 1 степен на Попова Шапка, 3 во Лазарополе, 5 во Крушево, 6 во Маврови Анови и Радовиш – Пожар, 7 во Пожаране, 8 во Ѓуриште, 9 во Берово и Претор, 10 степени во Тетово, Охрид, Крива Паланка и Тополчани, 11 во Скопје-Зајчев Рид и Виница, 12 во Скопје-Петровец, Штип, Прилеп и Битола, 13 во Велес, 14 во Демир Капија и Кавадарци, додека најтопло беше во Струмица со 15 и Гевгелија со 16 степени.
Во изминатите девет часа наврнал 1 литар дожд на метар квадратен во Крива Паланка, Радовиш – Пожар и Лазарополе.
Снежната покривка на Попова Шапка изнесува 38 сантиметри.
Денеска времето е променливо облачно со повремени слаби локални врнежи од дожд.
Времето до крајот на денот
Се очекува променливо облачно време со локални врнежи од дожд, а на повисоките места и на планините – од дожд и снег, односно снег. Во западните делови ќе дува слаб ветер од променлив правец, а во источните умерен, повремено засилен ветер претежно од северозападен правец.
Времето утре
Утре ќе биде променливо облачно со слаб повремен локален дожд, а на планините и повисоките места со слаб снег. Ќе дува слаб до умерен ветер од променлив правец.
Минималните температури ќе се движат од 0 до 6, а максималните од 7 до 11 степени.
Во Скопје, променливо облачно со повремен слаб дожд. Минималната температура ќе се спушти до 5, а максималната ќе достигне 10 степени.
Времето во наредните денови
Следува период на променливо облачно време со повремени врнежи од дожд, а на планините од снег. Пообилни врнежи се очекуваат во недела, кога врнежите ќе преминуваат во снег и во дел од пониските места.
