НАЈСКАПИОТ СТАН ВО СРБИЈА БИЛ ПРОДАДЕН ЗА 2,5 МИЛИОНИ ЕВРА, КВАДРАТОТ НАДМИНАЛ 10 ИЛЈАДИ – еве што лани се случувало на пазарот на недвижности
Според извештајот на Републичкиот геодетски завод на Србија за 2022 година, пазарот на недвижности во таа земја продолжи да расте четврта година по ред. Вкупната вредност на домашниот пазар на недвижности во 2022 година достигна 7,5 милијарди евра, а раст е забележан во сите сегменти.
Така, најскапиот стан во Србија е продаден за 2,5 милиони евра, најскапиот квадрат е платен за над 10.000 евра, евидентирани се над 140.000 поединечни трансакции, но пад има кај, продажбата на градежното земјиште како и на број на заеми кои се користат за финансирање за купување на недвижен имот.
Според RGZ, за разлика од пазарот на недвижности во голем број европски земји, каде што под влијание првенствено на растот на каматните стапки има значително забавување на растот, па дури и пад – и во цената и во обемот на трансакции, нивото на цените на недвижностите во Србија во изминатата година забележа силен раст. Сè уште се зголемува бројот на реализирани трансакции на ниво на целата земја, но послаб од претходните години, се вели во соопштението на РГЗ.
Вкупната вредност на пазарот на недвижности во 2022 година достигна 7,5 милијарди евра, што е за 22 отсто повеќе во однос на 2021 година. Вредноста на трансакциите во одредени пазарни сегменти по видови на недвижности во 2022 година во однос на 2021 година е зголемена за 26 отсто во однос на станови, 56 отсто кај гаражни простори, пазарот на деловен простор порасна за 28 отсто, градежното земјиште за 23 отсто, а вредноста на истргуваните куќи бележи пораст од 11 отсто.
Бројот на продажби во 2022 година, со вкупно 140.561 извршени трансакции, е зголемен за само 1,8 отсто во однос на 2021 година. Продажбата на станови е зголемена за 3 отсто, гаражни простори за 23 отсто, деловни простори за 2 отсто, додека бројот на продадени куќите останаа исти.на исто ниво како и претходната година. Бројот на продажби на земјоделско земјиште е зголемен за 5 отсто, додека продажбата на градежно земјиште бележи пад од 6 отсто годишно.
Блиц.бизнис
