Во Брајтон си играат мајтап: На хигиеничарите им велиме да внимаваат да не добијат понуда од Челси!
Челси минатото лето го купи Марк Кукуреља од Брајтон во зделка вредна околу 55+ милиони фунти, „сините“ потоа повторно тропнаа на вратата на „галебите“ и го ангажираа и тренерот Грем Потер.
Грем Потер со себе на „Стемфорд Бриџ“ однесе уште пет члена од тренерскиот персонал, а во Лондон завршија и две лица кои беа задолжени за трансферите на „Амекс“.
Во јануари, Челси се обиде да го ангажира и Моисес Каиседо, а интерес има и за Алексис Мек Алистер.
Па генералниот извршен директор, Пол Барбер не можеше да се воздржи и да не испрати зајадлив коментар.
„Немам ништо против да кренам телефон кога ѕвони Челси, освен кога станува збор за нашиот тренер“, вели Пол Барбер.
„Им кажав на хигиеничарите да внимаваат, можно е да добијат сериозна понуда!“
