На Хвар наплаќаат и за користење на плажа
На плажа на Хвар го наплаќаат и капењето во море, дневен престој чини 2 евра.
Во делови од хрватскиот Јадран годинава наплаќаат и користење на плажа, односно капење во море, па така, на пример, „дневниот престој“ во кампот „Млашка“ на островот Хвар чини две евра, пишува денеска сплитска „Слободна Далмација“.
„Ако сме корисници на кампот – во ред, нешто што е под концесија треба да се наплати, но колку што можам да видам на достапните веб-страници, тој камп воопшто нема концесија на плажа, а камоли за концесија која вклучува наплата за користење на морето“, рекла една жена за сплитскиот весник.
И претходно медиумите пишуваа дека цените во Хрватска се доста високи и дека многу хрватски граѓани не можат да си дозволат одмор на Јадранот.
фото Mirko Crnčević
