Skip to content
Novina.mk Novina.mk
  • Следетене
  • ПОЧЕТНА
  • МАКЕДОНИЈА
  • РЕГИОН
  • СВЕТ
  • ЕКОНОМИЈА
  • СПОРТ
  • Video
  • МАГАЗИН
Nova.mk (2)
  • Последни
 НА 10 ПАЦИЕНТИ ИМ СЕ ИЗВРШЕНИ ИЛИ СЕ УПАТЕНИ НА НЕПОТРЕБНИ ВАСКУЛАРНИ ИНТЕРВЕНЦИИ Комисијата ќе влезе во сите кардиолошки клиники
Македонија

НА 10 ПАЦИЕНТИ ИМ СЕ ИЗВРШЕНИ ИЛИ СЕ УПАТЕНИ НА НЕПОТРЕБНИ ВАСКУЛАРНИ ИНТЕРВЕНЦИИ Комисијата ќе влезе во сите кардиолошки клиники

14/11/2025

AA

Од досега анализираните 19 случаи, кај 10 пациенти е утврдено дека непотребно им се извршени васкуларни интервенции или непотребно се упатени за такви интервенции, утврди Интерната комисија за кардиолошки и кардиохируршки интервенции што ја формираше Министерството за здравство по наводите на кардиохирургот Сашко Кедев дека на пациенти во Македонија без потреба им се вршат операции, поради профит.

Од пристигнатите 25 пријави за сомнителни случаи, кои пристигнале од граѓаните и од медицинските институции, Интерната комисија за кардиолошки и кардиохируршки интервенции досега анализирала 19, а анализите продолжуваат и понатаму и засега пред јавноста се презентираат само прелиминарни информации, соопшти министерот за здравство Азир Алиу, кој одржа прес-конференција со лекарите од комисијата.

– Од тие 25 пријавени случаи, 6 се упатени на натамошен третман во Државниот санитарен и здравствен инспекторат (ДСЗИ), бидејќи таа не е надлежна за нив. Останатите 19 се анализирани. Во 10 случаи е утврдено дека непотребно се изведени операциите или дека пациентите биле непотребно упатени на операции – рече министерот Алиу.

Претседавачот на комисијата, доктор Жарко Христовски рече дека во оваа првична фаза ја анализирале само потребата од реваскуларизација т.е. интервенциите кај пациентите кои имаат васкуларна болест. Тој најави дека следат дополнителни активности.

– Кај 10 пациенти утврдивме најдовме преекстензивно поставена индикација. Втората фаза е навлегување во клиниките, за да се направи дополнителна анализа и да се донесе соодветна стратегија. Кога ќе стигнеме до дефинитивна оценка на секој случај информацијата ќе биде доставена до надлежните институции – рече тој.

Комисијата ќе продолжи да работи со утврдената методологија, по што ќе даде конечен извештај.

– Ова е прелиминарен извештај, по кој следи средба со тројца странски експерти, по што ќе се направи конечен извештај. Тој конечен извештај ќе биде основа за дефинирање на нашите политики – најави министерот Алиу.

Претседавачот Христовски дополни дека во втората фаза заедно со експертите од странство ќе ја анализираат работата на сите институции низ земјава кои вршат кардиоваскуларни интервенции.

Според него, не е етички коректно ниту правно издржано во оваа фаза да се откријат во кои болници се извршени непотребните васкуларни интервенции и каква била состојбата на пациентите.

– Ќе имаме ограничени информации, ова се доволно информации засега за да продолжиме и понатаму. Ова е првичен извештај, а дефинитивниот ќе следи по комплетната анализа. Но, и кога ќе стигнеме до дефинитивна оценка, случаите поради етички причини ќе бидат делумно презентирани. Нашата работа треба да заврши со професионален извештај со целата слика и треба да навлеземе подлабоко во клиниките, оти досега работевме само по пријави од граѓани и од институции. До половина сме, имаме уште да работиме и за овие случаи, а потоа ќе правиме студија како се работи кардиоваскуларната медицина ширум Македонија, сите ќе ги провериме – рече д-р Христовски.

Интерната комисија е составена од кардиолози, правници и економисти, меѓу кои д-р Васил Папестиев од Клиника за кардиохирургија, д-р Билјана Зафировска и д-р Иван Василев од Клиника за кардиологија, д-р Мишел Андонов и д-р Илир Вела од Клиника за торакална и васкуларна хирургија, д-р Ненси Лозанче од Клиничка болница Битола, д-р Валон Асани од Клиничка болница Тетово, д-р Никола Христов од Клиниката „Жан Митрев“, д-р Жарко Христовски од „Аџибадем Систина“, како и претставници од ФЗОМ д-р Ана Митевска и д-р Жаклина Крстевска, Стефанка Петковска, правник и претставници од Министерство за здравство, д-р Александар Митов, Стојанчо Стојковски и Бахар Љама.

.

TACT.mk

Previous post
Next post
Последни Новини
Македонија

МЛАДИТЕ ШТО ПРОТЕСТИРААТ ПРОТИВ НАСИЛСТВОТО ИМААТ СОГОВОРНИК ВО ПРЕМИЕРОТ Мицкоски

22/11/2026
Македонија

20% ПОВЕЌЕ УСЛУГИ ЗА СТУДЕНТИТЕ И ЗА МЛАДИТЕ Поволностите ќе

22/11/2026
Македонија

СТАНОВИТЕ ЗА МЛАДИ БРАЧНИ ДВОЈКИ ЌЕ БИДАТ ЗА 20% ПОЕВТИНИ

22/11/2026
Македонија

ПОЧИНА БИЗНИСМЕНОТ БОШКО РЕМИС Се занимаваше со градежништво и со

22/11/2026
Македонија

НЀ ОЧЕКУВА ДОЖДЛИВА НЕДЕЛА На планините ќе има снег

22/11/2026
Македонија

ПОТРАГА ПО ИСЧЕЗНАТО ЛИЦЕ ВО ГОСТИВАР Се пребарува и по

22/11/2026
Македонија

РАМА ТВРДИ ДЕКА АЛБАНИЈА НИКОГАШ НЕМА ДА ГО ПОПРЕЧУВА ПАТОТ

22/11/2026
Македонија

ONE STOP SHOP ПОЧНА ДА ФУНКЦИОНИРА НА ЌАФАСАН Мицкоски и

22/11/2026
  • Економија 7906
  • Магазин 4842
  • Македонија 46886
  • Регион 4000
  • Свет 22
  • Спорт 4718
СЛИЧНИ НОВИНИ ЗА ВАС

МЛАДИТЕ ШТО ПРОТЕСТИРААТ ПРОТИВ НАСИЛСТВОТО ИМААТ СОГОВОРНИК ВО ПРЕМИЕРОТ Мицкоски ѝ порача на опозицијата да

22/11/2026

Премиерот и претседател на ВМРО-ДПМНЕ Христијан Мицкоски денеска им порача на младите кои протестираа против насилството врз жените, дека во

20% ПОВЕЌЕ УСЛУГИ ЗА СТУДЕНТИТЕ И ЗА МЛАДИТЕ Поволностите ќе се користат преку апликацијата м.услуги

22/11/2026

Како трета мерка за младите премиерот и претседател на ВМРО-ДПМНЕ Христијан Мицкоски, најави 20 проценти поголеми услуги за студентите и

СТАНОВИТЕ ЗА МЛАДИ БРАЧНИ ДВОЈКИ ЌЕ БИДАТ ЗА 20% ПОЕВТИНИ Фирмите ќе бидат задолжени да

22/11/2026

Премиерот и претседател на ВМРО-ДПМНЕ, Христијан Мицкоски, денеска од конференцијата на Унијата за млади сили на партијата, најави три клучни

Novina.mk Novina.mk

©2022. All Rights Reserved.

Контакт
Privacy Policy