Мон Блан е за 2,22 метри понизок од претходното мерење
Друго мерење на највисокиот врв во Западна Европа, Мон Блан, покажа дека неговата висина е 4.805,59 метри, или 2,22 метри помалку од претходното мерење во 2021 година, објави АФП, цитирајќи француски геодети.
Геодетите го измериле Мон Блан во септември, а сега ги објавија своите наоди.
Оваа разлика може да ги одразува варијациите на летните врнежи и веќе е забележана во минатото, изјави Жан де Гаре, претставник на геодетите од францускиот департман Горна Савоа, на прес-конференција во Шамони.
Де Гаре додаде дека е можно следното мерење за две години да го види врвот, кој се наоѓа на француско-италијанската граница меѓу Горна Савоа и Вале д’Аоста, да биде „многу повисок“.
„Собираме податоци за идните генерации, не сме тука да ги толкуваме, тоа им го оставаме на научниците“, додаде Де Гаре.
Опремен со најсовремени инструменти и за прв пат дрон, околу дваесет луѓе, поделени во осум тимови, се искачи на Мон Блан во средината на септември за да направи неколкудневни прецизни мерења на белиот џин.
Ова е 12-то издание на операцијата, чија цел е особено моделирање на ледената капа и собирање научни податоци за влијанието на климатските промени на алпските планини, истакнаа учесниците во иницијативата, која започна во 2001 година.
„По овие кампањи за мерење на Мон Блан, научивме многу: сега знаеме дека врвот постојано се движи, и во однос на висината, со варијации од речиси пет метри и во однос на положбата“, забележува и Жан де Гарет. .
Претходното мерење покажа дека Мон Блан се намалил за речиси еден метар. Што ќе се случи овој пат? Како што прават на секои две години, тим од експерти за геодети се искачија на највисокиот врв во Западна Европа за да го измерат со помош на многу прецизни инструменти и ќе ги пријават своите наоди, објави АФП.
За време на претходната експедиција во 2021 година, покривот на Алпите беше измерен на 4.807,81 метри – речиси еден метар помалку од мерењето направено во 2017 година.
