Мицкоски најави план за вработување вреден 40 милиони евра

Премиерот Христијан Мицкоски денеска на прес-конференција го претстави Оперативниот план за вработување за 2025 година, вреден 40 милиони евра, кој ќе опфати над 16.000 невработени лица.

„Еден од главните приоритети на Владата во овој мандат е зголемување на благосостојбата на граѓаните. Намалувањето на невработеноста и креирање на мерки кои ќе бидат насочени кон балансиран и ефективен пазар на труд. Заедно се бориме за заедничка иднина и подобар живот на граѓаните. Да не се заборани дека се затекна хаос, работници кои не добиваат редовно плата, состојба на млади кои гледаат безперспективност, индустриско производство без кое бележи минусни салда и огромна инфлација. Со ова се боревме секој ден речиси една година работа на оваа Влада. Затоа на последаната седница срочивме оперативен план за вработување, метки и програми кои ќе понудат работа и поддршка во работата вреден 40 милиони евра кои ќе опфатат на 16 илјади наши сограѓани“, изјави Мицкоски.

Во планот се предвидува директна поддршка за младински старт-апи, како и вработување на 400 пожарникари за справување со летните пожари.

Според најавата, 12.537 лица ќе бидат вклучени во активни мерки за вработување, а 3.520 ќе добијат услуги поврзани со пазарот на труд.