Влада: 10.000 евра за млади кои ќе отпочнат свој бизнис
Министерот за економија и труд, Бесар Дурмиши, денес на прес-конференција објави дека Владата го одобрила оперативниот план за вработување за 2025 година, со рекорден износ од 40 милиони евра.
Планот ќе опфати 16.507 граѓани преку директни мерки за вработување, самовработување и обука во согласност со потребите на пазарот на трудот.
Меѓу најважните мерки се оние насочени кон интегрирање на младите луѓе на пазарот на трудот: 10.000 евра поддршка ќе се доделува за секој млад човек до 29 години кој ќе отвори сопствен бизнис, како и до 20.000 евра за бизниси во парови, кога двајцата коосновачи се млади. Компаниите што вработуваат млади луѓе ќе имаат корист и од 250.000 денари за секое ново работно место.
„Овогодишна иновација е подмерката Поддршка за самовработување на невработени млади лица до 29 години, во кој случај износот на финансиска поддршка достигнува 10.000 евра неповратни средства за основање бизнис. Овој износ е рекорден досега и е наменет конкретно за млади лица до 29 години, со цел да се мотивираат да го реализираат својот претприемачки талент во земјата“, нагласи министерот Дурмиши.
