Мицкоски: Ќе се проверуваат и поскапувањата на производителите
Премиерот Христијан Мицкоски по денешниот увид на градежните проекти во Кавадарци, како одговор на новинарско прашање за завршувањето на мерката со ограничени маржи во маркетите, рече дека во наредниот период ќе се проверуваат евентуални манипулации со цените и кај самите производители.
– Не само кај тргоцвците, туку и кај влезните фактури од дистрибутерите и производителите ќе се проверува да не има трикови, рече кратко премиерот како одговор на новинарско прашање.
Според Мицкоски, мерката која ги контролираше профитните маржи на основните прехранбени производи кај трговците, го дала својот ефект,по нејзиното завршување на 1 мај.
– Мерката доведе до намалување на цените и смирување на инфлацијата. Имаме 2,7 проценти инфлација која е најниска во регионот, додаде Мицкоски.
