Меџити нема да ја преиспитува одлуката за разрешување на Јовев
Министерот за здравство, Фатмир Меџити на денот кога просласи 100 дена од неговото назначување на функцијата, рече дека кардиохирургот Сашко Јовев ќе продолжи да работи како доктор на државна кардиохирургија, но нема да ја преиспитува својата одлука.
Професор д-р Сашко Јовев чие разрешување од директорската функција на Клиниката за кардиохирургија предизвика бурни реакции во јавноста, ќе продолжи да работи како доктор на кардиохирургија.
– Утринското кафе го испивме заедно со професорот Јовев и тој ќе продолжи да работи на клиниката заедно со својот тим. Почитуваниот професор ја има мојата потполна поддршка да ги извршува своите задачи.
Запрашан дали ќе ја преиспита одлуката за разрешувањето на Јовев, Меџити рече:
– Кога министерот донесува одлука и таа не се преиспитува, тоа е апсолвирано прашање, да не се повторувам.
