„Масовно убиство – тука нема милост, за уши ќе ги вадиме и ќе одговараат!“, вели Мицкоски
Премиерот Христијан Мицкоски денеска трагедијата во Кочани ја нарече „Масовно убиство“.
„Дојдовме до заклучок дека во 2024 година се издадени вкупно 12 лиценци за кабареа. Па сега може да се претпоставите колку клубови работат во државата, и тоа не знаеме кои се валидни, затоа што претпоставуваме дека рокот им е изминат, така што не очекува многу работа, затоа што е очигледно дека никој не си ја вршел работата. И сега се обидува некој под политизација да ја сокрие криминалната работа која ја правел изминатите години. Нема да има милост, кој сака нека биде, од каква сака нека биде етничка припадност и од која сака нека биде политичка партија. Ова е би рекол масовно убиство кое некој го дозволувал за пари, за мито, за корупција кое дозволувал да се случи“, рече Мицкоски.
Како што вели, овој клуб добил само два пати дозвола.
„И тука нема политика, ќе одговарате сите. Ако мислат дека ќе се обидат да играат на етничка карта, нема да успее. Има за уши да ги вадиме од дома“, рече Мицкоски.
