Малите акционери тријат раце, успешна понудата на „Оилко“ за преземање на „Макпетрол“

Комисијата за хартии од вредност на денешната седница донесе решение со кое се утврдува за успешна понудата за преземање на акции издадени од “Макпетрол” АД Скопје дадена од преземачот ”Оилко” КДА Скопје.

Ќе бидат продадени 72.644 акции, меѓу кои главно на мали акционери-домашни физички лица, а од претходно беше познато дека понудата „нема да може да се одбие“, бидејќи станува збор за однапред познат откуп по одлична цена од 67.001 денари по акција.

„Понудата за преземање е прифатена од 63 сопственици на акции со право на глас, кои поседуваат вкупно 2.258 обични акции, односно 2,1% од сите акции со право на глас издадени од “Макпетрол“ АД Скопје. Понудата за преземање се однесуваше на сите 72.644 обични акции со право на глас издадени од “Макпетрол” АД Скопје, освен на сопствените акции кои ги поседува друштвото, а кои се 11.238 сопствени акции и 28.500 обични акции со право на глас кои се во сопственост на ”ОИЛКО“ КДА Скопје и физичките лица кои дејствуваат заеднички со него“, објави КХВ.