Мал авион исчезна од радарот во Словенија, полетал од Загреб

Податоците на порталот Flightradar24 покажуваат дека нешто по осум часот во реонот на Велика Планина исчезнал помал авион Пајпер кој полетал од Загреб.

Полициските службеници од Љубљана потврдија дека во тој реон е во тек акција за пребарување. Се претпоставува дека дошло до авионска несреќа.

Подоцна соопштија дека околу 9:30 часот биле известени дека е прекината комуникацијата со помалиот авион и контролата на летање.

– Контактот со авионот засега е изгубен од непозната причина во областа Велика Планина, каде во моментов полицијата и другите спасувачки служби преземаат активности. Потрагата е отежната поради екстремно лошите временски услови и слабата видливост, што го отежнува и летот на спасувачките хеликоптери – се наведува во соопштението.

Според првите информации во авионот имало едно лице. Во акцијата покрај полицијата и пожарникарите се вклучени и планински спасувачи од Камник и Целје, пренесува kamnik.info.