МАКЕДОНСКИТЕ ГРАЃАНИ ЌЕ ДОБИЈАТ НОВИ ДЕСТИНАЦИИ ОД АЕРОДРОМИТЕ СКОПЈЕ И ОХРИД: Еве што најавува министерот Николоски
Министерството за транспорт го објави јавниот повик за финансиска поддршка за воведување на нови дестинации од Меѓународниот аеродром Скопје и Св. Апостол Павле во Охрид за период 2025-2027 година, објави на фејсбук, министерот за транспорт и врски, Александар Николоски.
„Во рамките на тригодишната програма за оваа намена предвидени се средства во висина од 360 милиони денари.
Еден од главните приоритети на Владата е обезбедување на поволни услови за користење и подобар и попристапен авио транспорт.
Со цел подобро поврзување на државата и овозможување подобри услови за патување на граѓаните Министерството за транспорт денес објави ЈАВЕН ПОВИК за поднесување апликации за финансиска поддршка за пуштање нови дестинации од аеродромите во Скопје и Охрид. Отворениот повик е објавен на официјалната веб-страница на министерството, како и во Службениот весник на ЕУ за тендери (TED)“, напиша тој на фејсбук.
