Македонски државјани ќе бидат евакуирани од Израел – вклучен и владиниот авион

Во 16 часот во просториите на МНР ќе се одржи вонредна прес конференција.

Премиерот Христијан Мицкоски соопшти дека владата работи на евакуација на македонски граѓани кои се заглавени во Израел, а во процесот ќе биде вклучен и владиниот авион.

„Секојдневно сум во контакт со министерот за надворешни работи и надворешна трговија, Тимчо Муцунски, и се координира планот за евакуација на македонските граѓани. Владиниот авион ќе биде ангажиран за нивен транспорт до некоја од соседните држави, најверојатно Египет“, изјави Мицкоски.

Во моментов, според информациите, се работи за девет македонски државјани, а премиерот очекува евакуацијата да биде завршена најдоцна до утре.