МАКЕДОНКА НА ВИСОКА ПОЗИЦИЈА ВО ОН: Гутереш ја именуваше Владанка Андреева за постојан координатор во Камбоџа
Генералниот секретар на Обединетите нации, Антонио Гутереш, ја именуваше Владанка Андреева од Северна Македонија за нов Резидентен координатор на Обединетите нации во Камбоџа. Андреева, која доби согласност и од владата на земјата домаќин, официјално ја презеде функцијата на 10 јануари 2026 година.
Андреева носи со себе импресивно портфолио од над 25 години искуство во меѓународниот развој, хуманитарната координација и стратешкото застапување во различни региони.
Пред ова именување, таа ја извршуваше функцијата Резидентен координатор на ОН во Азербејџан.
За Андреева ова не е прва средба со Камбоџа. Таа претходно била директор на програмата на ОН за ХИВ/СИДА (UNAIDS) во оваа земја, каде што го водела одговорот на системот на ОН за време на пандемијата со КОВИД-19.
Во нејзината богата биографија се запишани и позициите:
Пред да се приклучи на ОН, Андреева работела со организацијата „Фармацевти без граници“, координирајќи хуманитарна помош за бегалците. Таа е дипломиран стоматолог и магистер по јавно здравје.
