М. Сити со тешка артилерија го реши Бристол, Лестер изненаден во ФА-купот!
Првиот шампион на Премиерлигата, кој во моментов е четврти во втората по ред дивизија го совлада Лестер со 2-1. Долан го најави изненадувањето во 33. минута, а Смодич го зголеми водството по седум минути во вториот дел. Лестер, кој играше со комбиниран тим, во кој на една рака се броеја регуларните стартери, притискаше, меѓутоа се што направи беше голот на Ихеначо во 67. минута, за ублажување на поразот.
Манчестер сити, за таа разлика, го отвори гостувањето кај Бристол со одличен тим, со Де Брујне, Марез, Бернардо Силва и Фоден во офанзивниот дел од теренот, како поддршка за Алварез, кој го замени Халанд. Славеше со 3-0, со два гола на Фоден и еден на Де Брујне. Интересен момент беше тоа што, Пеп Гвардиола го смени голманот на половина меч. Ортега го почна, а Едерсон го заврши дуелот.
Покрај овие две средби, Брајтон славеше со 1-0 на гости кај Стоук, а Фулам со 2-0 го надигра Лидс, пред своите гледачи. Осминафиналето во ФА-купот ќе продолжи утре, со мечевите: Манчестер Ј. – Вест Хем, Шефилд јунајтед – Тотнем, Саутемптон – Гримзби, додека Барнли на нашиот Дарко Чурлинов ќе го пречека членот на Лига 1, Флитвуд.
