Лудогорец посрамотен на Косово, хаос на Малта и убедлив триумф на Макаби Хаифа (ВИДЕО)

Косовскиот тим кој лани првпат избори групи во Конференциската лига и тоа со елиминација на екс-македонскиот првак Шкупи во плејофот, вечерва приредија вистинска сензација, иако против бугарскиот шампион беа тотални аутсајдери.

Меритон Кореница со гол на крајот од првиот дел и со асистенција за Кендрим Зиба после десет минути во вториот дел, беше херојот на Балкани за големата победа со која косовскиот првак направи голем чекор кон второто коло, а со тоа најмалку сигурен плејоф за повторување на ланскиот успех и настап одново во Конференциската лига.

Изненади и исландски Брејдаблик кој во Ирска го победи Шамрок со 1-0, иако Исланѓаните во оваа летна авантура тргнаа од предквалификациите, а босански Зрињски направи голем чекор кон втората рунда откако славеше на гости во Ерменија кај Уарту со 1-0.

Во следна фаза веќе сигурно оди Макаби Хаифа, која со 4-0 го збриша Хамрун на Малта, но мечот имаше и прекин поради тежок инцидент, откако израелскиоте навивачи жестоко одговорија на провокациите од домашните гледачи, кои им викаа „Палестина, Палестина“.

Ugly scenes at the Centenary Stadium as Maccabi Haifa fans clash with Hamrun Spartans supporters – chants of ‘Palestina’ come from the home end soon after as a number of fans filter out of the ground. Disgraceful. pic.twitter.com/jU7AAGin4W

— Andrew Dempsey (@AndrewDempsey98) July 11, 2023

Неочекувано Ференцварош одигра реми без голови на гости на Фарските Острови кај Ки Класквик, додека Карабах со пресврт славеше на Гибралтар кај Линколн со 2-1, а со ист резултат Олимпија во Љубљана ја победи летонска Валмиера.

РЕЗУЛТАТИ, ПРВО КОЛО, ПРВИ МЕЧЕВИ

Уарту – Зрињски 0-1

Линколн – Карабах 1-2

Жалгирис – Струга ТЛ 0-0

Хамрун – Макаби Хаифа 0-4

Олимпија Љубљана – Валмиера 2-1

Раков – Флора Талин 1-0

Ки Класквик – Ференцварош 0-0

Партизани – БАТЕ Борисов 1-1

Шамрок роверс – Брејдаблик 0-1

Балкани – Лудогорец 2-0