„Луѓето првично мислеа дека бучавата е дел од чинот“, вели очевидец на нападот во Москва
Би-Би-СИ разговараше со лица кои биле затекнати при синоќешниот смртоносен напад во московската концертна сала Крокус.
Една жена со својата 11-годишна ќерка купувала сладолед во кафуле во близина на влезот, кога слушнале бучава и некој викал да се спуштат на подот.
„Побрзавме кај децата, легнавме и почнавме да поставуваме барикади од масите и столовите, а неколку ранети дотрчаа до нас“, изјавила за Би-Би-Си една жена која била во кафулето со нејзината 11-годишна ќерка.
Во театарот, концертот требаше да започне за само неколку минути и некои мислеа дека бучавата можеби е дел од чинот.
Софико Квирикашвили го слушнала она што првично мислеше дека е „некаков бескраен рафал од петарди.
„Се свртев кон салата еднаш, потоа повторно. Третиот пат сфатив дека сите во салата почнаа да бегаат на сите страни“.
Дејв Примов, фотографот, рече дека имало бегање и сцени на паника.
Некои во театарот се обидоа да легнат меѓу седиштата, но со неколку вооружени напаѓачи кои отворија оган, тоа нудеше мала заштита.
Оние од публиката кои можеа, се упатија кон сцената. Други се обидоа да најдат повисоки излези, само за да најдат некои од вратите заклучени. Очевидци рекоа дека таму имало и постари луѓе, како и деца, сите фатени во нападот.
