Лосон: Со стратешкото партнерство не станува збор за прифаќање мигранти во Македонија

На денешната прес-конференција со премиерот Христијан Мицкоски во Владата, британскиот амбасадор Метју Лосон ги демантираше сите тврдења и шпекулациите на медиумите. Тој јасно рече дека со стратешкото партнерство не станува збор за прифаќање мигранти во Македонија.

-Драго ми е што земјата се согласи на оваа соработка, но тоа се однесува на полициската соработка меѓу агенциите, и ова го правиме со повеќе европски земји. Не се работи за тоа, дека ќе се прифаќаат мигранти од Британија. Ова е широко партнерство, има многу шпекулации во медиумите на оваа тема, но не, овде не се работи за тоа.

Се работи за соработка меѓу полициските сили и справување со бандите, не за прифаќање мигранти, соопшти Лосон.