Лестер и Евертон ремизираа во „дербито на дното“ – битката за опстанок остана пеколна (ВИДЕО)

Лестер прокоцка шанса барем на момент да се одлепи од групата која води беспоштетна борба за задржување на премиерлигашкиот статус, откако Џејмс Мадисон во четвртата минута од судиското надополнување промаши пенал за 3-1. И наместо убедлива предност на паузата, Евертон остана со шанса да дофати бод, а тоа го искористи Алекс Ивоби за да ги остави „карамелите“ непоразени во директниот судир со еден од ривалите за опстанок.

Иако Евертон прв поведе по 15 минути со гол на Доминик Калверт-Луин од пенал, „лисиците“ брзо направија пресврт, па Чаглас Сојунчу израмни во 22-та, Џејми Варди донесе водство во 33-та минута и потоа Мадисон веројатно го имаше мечот во рака, но утна пенал.

Ивоби израмни во 54-та, а потоа повеќе од половина час и двата тима имаа свои можности за три бода, но не ги искористија.

Така Лестер дојде до 30 бода на 16-то место, колку што има и Лидс и Нотингем Форест, кој е прв во опасната зона, а Евертон сега е на 29 бода како претпоследен.