Курти вели Да на европскиот предлог, на потег е Србија
Косово го прифаќа европскиот предлог за нормализирање на односите со Србија.
Приштина го прифаќа европскиот план за Косово. Курти синоќа во телефонски разговор со високиот советник на Стејт департментот Дерек Шоле потврдил дека Приштина го прифаќа европскиот предлог.
„Премиерот во тој разговор го потврди својот став за европскиот предлог како добра основа за понатамошни разговори во насока на нормализација на односите. За нормални, европски и добрососедски односи, премиерот Курти истакна дека покрај заемното признавање во основа на договорот мора да се земат предвид и правата на националните малцинства“, соопшти косовската Влада.
Но, во Србија има многу негодувања за овој план. Имаше најави од западни полтиичари дека пролетва треба да се најде решение за односите меѓу Косово и Србија. Косово одбива да ја формира Заедницата на српски општини. Србија бара тоа да не се одложува. Србија не планира да го признае Косово.
