Ковачевски: Уставните измени се обврска!
Премиерот Димитар Ковачевски денеска во изјава за медиумите посочи дека седницата за уставните амандмани е отворена, дневниот ред е изгласан и се отворила дискусија во која што сите граѓани се уверија дека немаше ниту една забелешка во однос на поднесените амандмани.
„Дневниот ред е изгласан и се отвори дискусија во која што сите граѓани се уверија дека немаше ниту една забелешка во однос на поднесените амандмани. Ако имаше забелешка во однос на поднесените амандмани, дискусијата уште ќе траеше. Амандманите беа подготвени од страна на врвни експерти во Комисијата формирана од Владата преку Министерството за правда, а имаше дополнително и претставници на политичките партии. Единствено опозициската политичка партија не сакаше да учествува. Тие всушност не сакаат да учествуваат во ниту еден процес. Тие не учествуваат ниту во тоа што им е работа“, изјави Ковачевски.
Тој останува на ставот дека по 31 декември процесот не се затвора.
Како што рече, тој процес е отворен и ќе биде отворен се додека не биде реализирана обврската која што Северна Македонија ја има согласно преговарачката рамка и согласно заклучоците на Собранието, кои се донесени со мнозинство по број на пратеници од доминантниот број на политички партии во државата.
