Косовски полицаец пукал во Србин од Звечан
Полицијата суспендираше косовски полицаец кој пукал во Србин.
Косовската полиција соопшти дека нивен полицаец синоќа недалеку од мостот Бистрица пукал во Србинот Милан Јовановиќ од Звечани. Велат дека продолжиле со интензивните истраги со надлежните полициски единици од регионално и централно ниво, со цел што поскоро расветлување на овој случај.
„По доставените информации и докази преземени се мерки за суспендирање на полицискиот службеник бидејќи не го пријавил случајот и неговото учество во случајот, од што П.К издал известување дека не е вклучен во размената или пукањето со огнено оружје. Исто така, мерки за суспензија беа преземени и против тројца други можни службеници инволвирани во случајот“, соопшти косовската полиција.
Како што додаваат, за дополнително информирање на јавноста за постапувањето на полицијата и наодите од службените истраги, се сомнева дека во овој случај е вмешан полициски службеник и дека косовската полиција, во согласност со законските процедури, веднаш го известила Косовскиот полициски инспекторат и надлежното обвинителство за понатамошно постапување.
„Косовската полиција ќе продолжи да ги извршува службените дејствија согласно законските овластувања, да ја информира јавноста на фер и непристрасен начин, без разлика кој е инволвиран во случајот и под никакви околности, нема да постапува поинаку, само во согласност со важечките закони. Воедно, полицијата на Косово тесно ќе соработува со Полицискиот инспекторат и Државното обвинителство, за да продолжи да повикува на одговорност полицајците кои прекршуваат и не постапуваат според највисоките етички и професионални стандарди“, заклучуваат оттаму.
Припадници на специјалната единица на косовската полиција – Роса пукале кон Србинот додека се движел со автомобил на главниот пат од Лепосавиќ кон Звечан. Јовановиќ е опериран и моментално е стабилен. Оваа 2023 година имаше серија инциденти во кои Албанците напаѓаа Срби. На Бадник и Божиќ, Албанци нападнаа Срби на Косово.
