Косово да им попушти на Србите или ќе трпи последици
Соединетите Американски Држави (САД) и Европската Унија (ЕУ) ѝ се закануваат на Приштина, да ги исполни барањата на Србите или ќе има последици.
Тие ѝ порачаа на Приштина да попушти во спорот со Србите на северот на Косово или ќе се соочи со последици.
Насилства имаше откако косовските власти во општинските згради насилно инсталираа градоначалници Албанци, со помош на полициски специјалци. Градоначалниците Албанци се избрани со излезност од само 3,5 отсто откако Србите ги бојкотираа локалните избори.
Американскиот претставник за Западниот Балкан Габриел Ескобар кажа дека Косово мора да им даде поголема автономија на општините со мнозинско српско население доколку сака да се приближи до членство во ЕУ и НАТО.
Вашингтон минатата недела го откажа учеството на Косово во воени вежби предводени од САД. За косовските власти ова е нефер. Но, Косово може да се соочи со серија казнени мерки. Србите бараат да се формира Заедница на српски општини и косовските специјалци да се повлечат од северот.
Албанскиот премиер Еди Рама вели дека треба да се распишат избори на северот на Косово. Тој до францускиот претседател Емануел Макрон и германскиот канцелар Олаф Шолц, доставил нацрт документ за Заедницата на српски општини. Со неговиот предлог се запознаени и претседателот на Советот на Европа, Шарл Мишел, како и американската страна. Србите често се мета на напади на Косово.
foto freepik.com/Kajikom
