КОРУПЦИЈА ВО КРИВИЧНИОТ СУД: Полицаец и доставувач земале пари за да „средат“ ослободителна пресуда
Основното јавно обвинителство за гонење на организиран криминал и корупција (ОЈО ГОКК) отвори истрага против двајца вработени во Основниот кривичен суд Скопје. Станува збор за судски полицаец и доставувач, кои се сомничат дека примале мито лажно ветувајќи дека ќе издејствуваат ослободителна пресуда преку свои врски во повисоките судови.
Според истрагата, во периодот од август 2025 до 7 април 2026 година, осомничените зеле вкупно 500 евра и дополнителни 60.000 денари од лице кое претходно било осудено на една година затвор. Лицето, кое во постапката има својство на сведок, поднело жалба на првостепената пресуда и барало начин да се спаси од затвор.
Случајот се одвивал според следната шема:
И покрај дадените пари, планот не успеал – Апелациониот суд ја потврдил затворската казна. Откако сведокот преку својот адвокат поднел вонреден правен лек до Врховниот суд, изнудувањето продолжило.
На 7 април годинава, сведокот му исплатил нови 30.000 денари на судскиот полицаец за наводно посредување и ургирање пред врховните судии.
По поднесениот предлог од јавниот обвинител, судијата на претходна постапка делумно ги прифати барањата за обезбедување присуство на осомничените:
Од ОЈО ГОКК информираат дека се незадоволни од одлуката судијата да му одреди само куќен притвор на доставувачот, поради што надлежниот обвинител веќе поднел жалба.
