Конгресот на нозе: Мора да испратиме порака до целиот свет дека нападите на американски војници нема да се толерираат
САД „мора да испратат јасна порака до целиот свет дека нападите врз американската војска нема да се толерираат“.
Ова го изјави претседателот на Претставничкиот дом на американскиот Конгрес Мајкл Џонсон по нападот на американската база.
Тројца американски војници загинаа, а повеќе од 30 се повредени во напад со дрон врз база на границата Јордан и Сирија.
Американскиот претседател Џозеф Бајден ги обвини милициите поддржани од Иран за нападот, додека други американски официјални лица се обидуваат прецизно да утврдат која милитантна група стои зад нападот, во кој американски војници беа убиени за прв пат откако Хамас го нападна Израел, објави Си-Ен-Ен.
„Ние сме тажни поради загубата на тројца американски херои синоќа во Јордан и се молиме за нивните семејства и за 25-те војници кои беа ранети. Америка мора да испрати кристално јасна порака низ светот дека нападите врз нашите сили нема да бидат толерирани. изјави Џонсон на мрежата Х (Твитер).
Републиканскиот сенатор од Алјаска, Ден Саливан, верува дека милитантните групи поддржани од Иран сега „ја преминале црвената линија“.
Се огласија и други американски конгресмени, а некои републиканци ја обвинија администрацијата на Бајден за ваквиот исход.
„Иран отворено ја доведува во прашање силата и решителноста на САД благодарение на отстапката на Бајден за најголемиот спонзор на тероризмот во светот“, рече сенаторот од Флорида Рик Скот во објава на социјалните мрежи.
