Конечни резултати од изборите: Над 76 милиони Руси гласаа за Путин
Вкупно 76.277.708 Руси гласаа за претседателот на Русија Владимир Путин на претседателските избори, изјави претседателката на руската Централна изборна комисија, Ела Памфилова.
– Кога станува збор за резултатите – 76.277.708 гласачи гласаа за Владимир Владимирович Путин – рече Памфилова на состанокот на ЦИК, пренесува РТРС.
Памфилова изјави дека, според конечните изборни резултати, Путин освоил 87,28 отсто од гласовите, Николај Харотонов 4,31 отсто, Владислав Даванков 3,85 отсто, а Леонид Слуцки 3,20 отсто.
