Коцевски: Нема политичко влијание врз мојата работа
Државниот јавен обвинител Љупчо Коцевски истакна дека врз неговата работа нема политичко влијание, а Европската комисија го оценила извештајот за правосудството како реален и објективен. Коцевски нагласи дека јавното обвинителство постапува исклучиво според законските надлежности и дека ниту еден политичар досега не извршил притисок врз него во однос на конкретни предмети.
Тој посочи на напредок во транспарентноста и борбата против високата корупција, но и на сериозните предизвици како што се недоволниот буџет и недостатокот на кадар. Информираше дека се водат предистраги и истраги за дивоградби, како и за случајот со пожарот во дискотеката во Кочани.
Коцевски додаде дека барањата за нови вработувања во Обвинителството не се одобрени веќе две години, што го отежнува функционирањето на институцијата, но ја потенцираше заложбата сите предмети да се водат професионално и без политички влијанија.
