Која македонска хемиска индустрија има уникатен рецепт? Прави профит од 100.000 евра просечно месечно !
За третиот квартал добивката на „Адинг“ е 267.000 евра, а во споредба со периодот јануари-септември лани сега добивката е повисока за 21%
„Адинг“ ги израдува своите акционери. Добивката за првите девет месеци, според официјалните објавени финанансиски извештаи, изнесува 905.000 евра за првите девет месеци годинава.
Билансот на „Адинг“ покажува дека македонската хемиска индустрија специјализирана на адитиви во градежништвото годинава секој месец прави просечен профит од 100.000 евра.
Во споредба со истиот период лани добивката на „Адинг“ пораснала за 21 отсто односно за 157.000 евра.
Билансот покажува дека приходите на „Адинг“ за првите девет месеци достигнаа 6,68 милиони евра и се за 10 отсто повисоки од истиот период 2023 година. Во овој период на домашниот пазар „Адинг“ пласирал продукти вредни 3,75 милиони евра што е за 8 отсто повеќе од истиот период лани. Од извоз на своите хемиски градежни продукти „Адинг“ во овие девет месеци инкасирал речиси 3 милиони евра односно 12 отсто повеќе средства од истиот период претходната година.
Оперативните расходи на „Адинг“ годинава достигнале речиси 5,83 милиони евра и во споредба со претходната година се повисоки за 15 отсто. Најголема ставка, очекувано за производствена компанија, се трошоците за суровини и материјали кои изнесуваат 3,7 милиони евра. Втора по големина ставка, во структурата на оперативни расходи, се платите за вработените. За нив „Адинг“ за девет месеци исплатил нешто над 1 милион евра односно 14 отсто повеќе од лани. Од овој факт може да се заклучи дека „Адинг“ води грижа за мотивација и за високо ниво на лојалност на своите вработени.
Добивката пред оданочување е за 32 отсто повисока од лани и изнесува 908.000 евра. Финансиските приходи и расходи се занемарливи и не влијаат врз добивката на компанијата.
Повеќе детали за работењето на „Адинг“ може да прочитате на следниот линк https://faktor.mk/ading-go-ima-receptot-kakvi-aditivi-dodade-za-da-ja-udvoi-dobivkata
Р.Ф.
