Израел и Палестинa: Бабата која ги запре борците на Хамас со колачиња се сретна со претседателот Бајден
„Еден од терористите ми рече: Ме потсетуваш на мајка ми“, се сеќава Рахел Едри.
„Му реков: „Јас сум исто како мајка ти. Јас ќе ти помогнам: ќе се грижам за тебе. Што ти треба?’”
Одговорот беше чај и колачиња.
65-годишна баба во пензија ги послужила своите марокански колачиња за да ги смири петмината војници на Хамас кои упаднале во нејзиниот дом во Офаким, град во близина на Газа.
Разговорот купил време за неа и нејзиниот сопруг додека не пристигнала помошта, изјавила таа за израелските медиуми.
Тој неврзан разговор значеше многу.
Кога војниците на Хамас ги заробија на 7 октомври, десетици луѓе веќе беа убиени во нејзината заедница во јужен Израел.
Благодарение на нејзиното трпение и гостопримство, и таа и нејзиниот сопруг преживеаја, а Рахел стана национална хероина, дури и се сретна со американскиот претседател Џозеф Бајден за време на неговата посета на Тел Авив.
Арапски и хебрејски песни
Во телевизиско интервју, таа зборуваше за разговор што го имала со пет тешко вооружени војници кои седеле во нејзината дневна соба.
